日本東京 Day1-2
安倍晉三推低日元匯率，現在對港元匯率新低，的確吸引不少旅客到日本旅遊，例如自己同身邊朋友，陸陸續續到日本去。
雖然朝早搭十點鐘飛機到日本成田機場，但最後去到酒店都已經是下午五點多的時間，上到酒店房梳洗了一陣，大夥兒先到新宿歌舞伎町嘅神座拉麵吃晚飯，相對便宜也很美味的拉麵定食。其實我自己唔係好食拉麵，但我都成碗食晒，我覺得個湯底幾好味，不過我最鍾意都係食隻蛋，的確係幾有水準。下次到新宿，我估計我都會去再幫襯。
 |
 |
↑ 神座拉麵
東京都廳外觀
之後我哋就去第一個景點東京都廳看夜景，當時氣溫大約十四度，唔算好寒冷，慢慢由JR新宿車站走到東京都廳，也不過是十五分鐘的路程。東京都廳冇收費嘅，所以不時見到啲旅行團車遊客來。不過呢度都唔算多人，可以慢慢影相。
↑ 東京都廳外觀
↑ 東京都廳外的夜景
第一日嘅行程便完結了，打道回府返酒店休息。
↑ 因為十二月頭不是旺季，所以住嘅酒店房間景觀不錯，可以望到日出。
上野恩賜公園
第二日慢慢食過早酒店的早餐，踏上早上九點鐘嘅火車由池袋到上野。第一個去的地方是上野恩賜公園，早上溫度大約十一度，但陽光普照，在公園慢慢散步倒也很舒服。但有點可惜的是，恩賜公園的紅葉同銀杏葉也落了很多。
|
 |
 ↑ 上野恩賜公園 |
 |
↑ 上野恩賜公園內的東照宮
↑ 東照宮內信眾的祈福木牌。
去完上野恩賜公園時間尚早，就到上野站附近嘅阿美橫丁逛街（因為睇完日本連續劇海女？），這裏嘅藥妝的確係俾池袋新宿較便宜。到咗午飯時間，大家都就係好攰，要找個地方坐下啦，用foursquare app 是但搵咗個地方食飯，我哋食咗個富良野豚丼，與韓式烤肉飯相似，一吃之下，這個即刻變成我嘅大愛！非常之好食而且便宜(所費700円 ，折算為港幣$47.00)！
 ↑ 富良野豚丼 |
 ↑ 就是這一間店舖，看不懂日文，不知道店名。 |
晴空塔
食完美味既午飯之後，我哋就搭地鐵由上野去到押上亦即是晴空塔。因為唔係旺季，所以排隊上晴空塔嘅人龍唔算長，我哋排隊大約二十分鐘到，就已經可以搭電梯上TEMPO DECK。我哋一行四人，每人都有一張不同景觀嘅晴空塔入場券，很好的設計，絕對增遊客收藏嘅價值。
 ↑ 排隊上晴空塔嘅人龍唔算長 |
 ↑ 不同景觀嘅晴空塔入場券 |
上到去晴空塔TEMPO DECK展望臺，一個遊客必到既地方，就係望向視線直達地面嘅透明玻璃，當自己踏上地板也覺得心怯。
↑ 令人心怯透明玻璃地板
↑ 晴空塔窗門嘅玻璃係唔會反光，望出去嘅風光係一大片的都市建築物，我覺得唔係咁壯觀。
 |
 |
晴空塔嘅限定版手信係香蕉豹紋蛋糕，本來我都想係度買，但係因為之後我仲有一半嘅行程要去，所以唯有忍下手啦。不過係東京購物絕對係好方便， 出到去機場入咗禁區之後，那裏嘅免稅品店依然可以買到。
淺草
去完晴空塔之後，我哋就搭地鐵由押上去到淺草參觀雷門同淺草寺，雷門前面永遠都人聲沸騰，由門口入去仲見世通，兩邊嘅店舖林立，不少店鋪都是售賣人形燒、燒餅、大福或其他手信等。一直行到較接近淺草寺，後轉入一條橫街, 那裏就是我想到的花月堂。花月堂的新鮮出爐菠蘿包很有名，今次終於有機會吃到。購買嘅時候店員會好貼心的問顧客是否即場食？如果係佢就會係隔離新鮮出爐嘅麵包給你，否則就會拿玻璃櫃中的包裝給你。
↑ 雷門前面永遠都人聲沸騰
 ↑ 花月堂的新鮮出爐菠蘿包很有名 |
 |
其實我哋來淺草只是順道， 我們的目的是要乘坐水上巴士由淺草去到台場。吃完美味的菠蘿包後，天色已經昏暗，走到水上巴士的碼頭，距離開船還有一段時間，剛好來得及拍攝淺草市內的夜景。
↑ 淺草市內的夜景
↑ 淺草市內的夜景
↑ 淺草吾妻橋
↑ 對岸的金色糞便 ?!
台場
我地坐嘅係一隻設計好奇得嘅觀光船，後來才知道是漫畫家松本零士嘅設計。去到台場碼頭嘅時候風勢很大，感覺更加凍。我哋全部人都快步地走到DiverCity 去看高達，一償Peter的夙願。
撇開台場有高達，其實佢係一個好大型嘅購物點，尤其適合遊客，因為佢有一些東京少有超級市場嘅店舖。看完高達大家都攰，今日嘅行程完結。
